SMOKE SIGNALS

The coughin' an' splutterin' wisnae that bad,
Or the wheezin' an' pechin' and chokin'
But the gaspin' for air jist aboot drove him mad
Yet he still widnae gie up the smokin'

Each mornin' he'd wake and reach for a fag
Neglectin' his need for feedin'
He'd bring up some phlegm and spit oan a rag
And notice that somethin' wiz bleedin'

He'd sit on his chair and struggle for air,
Sit there gaspin' and chokin'
But he'd light up his fag tho' his chist wiz so sair
An' he still widnae gie up the smokin'

He wiz fun oan the stairs by a neebur
As cauld as the stane where he lay
In his haun wiz a fag he'd been tryin' tae light
Noo his funeral takes place today

His family is mournin' the loss o' the man
In their grief they are stunned and heartbroken
As his coffin is rolled tae the fire tae burn
He still wullnae gie up the smokin'

Singing: - Woodbine's a rerr wee fag, Woodbine's a rerr wee fag
If ye want cancer Woodbine's the answer
Woodbine's a rerr wee fag.

Pete McKenna