Doon at the Skudgie

There’s leeches an tolies and things in the watter

But if ah float tae it disney matter

We a’ smell alike so nae’b’dy’s tae blame

At least ah’ll look clean when ah get hame.

Dry and warm on the heat frae the slag

Wipe ma’sel doon wi a bit o’auld rag

Hey Wullie, git oot ‘o’the skudgie

Look there’s Tams cairt we’ll cadge a hudgie.

Up tae the toon ta see the boys

Past snotty wains wi their tatty toys

Here’s a tanner son, dinny greet

An take that bogie aff the street

There’s ‘Daft Wullie’ wi’ his hons oan his heed

Anither glaekit helper the Polis wilnae need

Och well we’re a the same if it comes tae the truth

But nearly a the daft comes oot the mooth

Well here’s the lads noo, an  jings whit a sight

No a penny among them an no a dout alight

Theres tam on the brue, and Jimmy’s been freed

The Jonsies are there tae, but no in the heed

Owen the big yin, taggin along

Hummin some auld unmelodious song

Jo canny, Tam wilnie, Shuggie Disney

Still o’ there, jings, ah wish a wisnie.

                                                                                                              James Harvey, January 2010